Chambre en colocation · Thun (Dürrenast)

About this home

Ab dem 1.1.2027 Bis Unbefristet Miete / Monat sFr. 590 .– | Region Thun Adresse Sustenstrasse 20 Ort 3604 Thun Kreis / Quartier Dürrenast In der Nähe Bushaltestelle, Coop, Strandbad und Wald sind zu Fuss gut erreichbar. Mit dem Velo ist man in 10' am Bahnhof und in der Stadt. Grosse Karte zum Ausdrucken | Das Zimmer istmit 15m² das grösste in der WG. Es ist hell, geräumig und bietet für alles Nötige genug Platz (ohne Einbauschränke). Das Zimmer ist ab dem 1. Januar oder nach Absprache auch später verfügbar. Es ist nicht möbliert. | Ä Mitbewohnerin zwüsche 23i und 30i, Nichtraucherin. Mir si kei reini Zwecks-WG u finges schön wemä oh mau öppis zämä cha ungernäh. Ä Balance zwüsche mau zämä bim Znacht chli plöiderle und sech oh eifach chönne zrugg ds zieh und sech gägäsitig chli space ds gä isch üs im Zämäläbä mitenand wichtig. Mir lege Wert uf Suuberkeit und Ordnig i de gmeinsame Rüüm. Bi üs wird nid tüpfligschisseret, wichtig isch dass aui ihre Teil drzue bitrage, dass ds Zämäläbä funktioniert. Wenn mau öpper im Seich isch, isches für üs selbstverständlech, dass me änang ungerstützt. Es wär schön wenn du dr eint oder anger Spass würdsch verstah, aber mir oh mau bimene Tee uf üsem riise Balkon chöi deeptalke. Offeni Kommunikation isch für üs ä grundlegendi Vorussetzig, damit sech aui chöi wohlfüehle und sechs für aui nachemne dehei ahfüehlt. Da üsi bisherigi Mitbewohnerin uszieht und ä grosse Teil vom Inventar mitnimmt, simer momentan chli am nöii ihrichte. Mir fröiie üs, faus du de ohno di eint oder anderi Idee hesch z.B für Deko oder so :) Mir fröiie üs über dini Nachricht! | Alina, 25i, erfröit mit ihrne Bachkünst immer wieder mau gern die ganzi WG, isch liecht schreckhaft wenn sie wieder mau mit de Chopfhörer dür d Chuchi tanzet und immer für ä Deeptalk oder ä Witz ds ha. Ir Freizyt isch si gern am tanze, im Gym, am See oder oh gmüetlech dehei. Michelle, 26i, üsi Retterin wenn mau ä Spinne im Bad hocket, fingt me oft summend über ihrne kreative Projektli sitzend vor und wenn sie sech fröit isch jedi schlechti Luune soforr verfloge. Ir Freizyt isch si gern dusse ir Natur, verbringt Zyt mit ihrne Liebste oder entdeckt ihri nöii Heimat Thun. Mir si beidi meistens offe für chli ds plöiderle, bruche aber oh üse Rückzug und Zyt für üs ällei. | Bitte hier klicken um die Kontaktdaten anzuzeigen. Proximité transports : Bushaltestelle, Coop, Strandbad und Wald sind zu Fuss gut erreichbar. Mit dem Velo ist man in 10' am Bahnhof und in der Stadt.

Landlord preferences